Programi për përmirësimin e qëndrueshmërisë së komunitetit (ICR).
Kodi: SF-23-0017
Tipi i Skemës Financiare
Grante
Kategoria
Organizata jofitimprurëse
Industri
Çështje Sociale, Edukimi dhe Trajnimi, Shkëmbimet Rinore
Data e Fillimit
20 Qershor 2023 / 20 June 2023
Data e Përfundimit
07 Korrik 2023 / 07 July 2023
Statusi
Aktive
Max i financimit
3,100,000 L
Përfitime
Programi ICR synon të forcojë mekanizmat lokalë të reagimit institucional (Qendrat e Qëndrueshmërisë (QR)) për promovimin dhe mbrojtjen e të drejtave, sigurisë dhe përfshirjes së grave dhe burrave të margjinalizuar, në veçanti grave dhe vajzave, të prekura nga diskriminimi dhe/ose abuzimi, duke përfshirë mbështetjen për të mbijetuarit e të gjitha formave të dhunës me bazë gjinore përmes ndërhyrjeve të përmendura më poshtë:
1. Tre komuna të synuara të mbështetura për të krijuar qendra funksionale të Qëndrueshmërisë në gjendje të ofrojnë shërbime të integruara mbështetëse të kujdesit social për komunitetet e cënueshme.
2. Qendrat e Qëndrueshmërisë të mbështetura për të ndërtuar mjete operacionale, duke përfshirë sistemet e paralajmërimit të hershëm, mekanizmat e referimit, rrjetet dhe platformat e partneritetit me institucionet përkatëse dhe ofruesit e shërbimeve në nivel komunal dhe rajonal.
3. Zhvillimi dhe funksionalizimi i modelit transparent dhe inovativ të menaxhimit të Qendrave të Qendrushmërisë.
4. Të suportohen gratë dhe burrat vulnerabël në komunat e përzgjedhura për të përmirësuar rrjetëzimin, aftësitë e komunikimit dhe ndërgjegjësimin për mbështetjen/përfaqësimin e kolegëve, përmes teknikave të komunikimit dhe aktiviteteve në grup.
5. Të promovohet modeli i qëndrueshmërisë përmes ekspozimit të praktikave më të mira, ndërveprimit me përfituesit dhe komunitetin në përgjithësi, përmes kanaleve të komunikimit të mediave dhe mediave sociale.
Përshkrim
Shqipëria ka bërë përmirësime të rëndësishme në avancimin e politikave dhe kuadrit normativ për barazinë gjinore dhe fuqizimin dhe sigurinë e grave, si dhe në sistemin e përfshirjes dhe mbrojtjes sociale në vitet e fundit. Megjithatë, zbatimi i plotë dhe i qëndrueshëm i legjislacionit është i pamjaftueshëm, gjë që parandalon transformimin e nevojshëm për të garantuar gëzimin e të drejtave të njeriut nga të gjithë njerëzit, dhe diskriminimi gjinor, ndarja gjinore në tregun e punës dhe dhuna me bazë gjinore mbeten shqetësime kritike. Për t'iu përgjigjur nevojave të vendit, UNDP punon me partnerët kombëtarë për të promovuar kohezionin social dhe për të forcuar sistemet, shërbimet dhe mekanizmat e financimit të mbrojtjes sociale për të rritur mbulimin dhe cilësinë për grupet vulnerabël. Për më tepër, UNDP-ja vazhdon të punojë për t'i dhënë fund të gjitha formave të dhunës në familje, seksuale dhe me bazë gjinore dhe normave të pafavorshme sociale dhe stereotipeve gjinore, duke mbështetur mekanizmat e koordinuar të referimit dhe shërbimet e integruara të kujdesit social, si mbështetja e aksesueshme psikologjike dhe ligjore, akomodimi i sigurt dhe emergjenca e aksesueshme dhe mbështetje të specializuar.
Objektivat
Objektivi i përgjithshëm i programit "Përmirësimi i Qëndrueshmërisë së Komunitetit" (IRC) është të mbështesë ndërtimin e qëndrueshmërisë së komuniteteve të cënueshme, duke përfshirë gratë dhe vajzat shqiptare, personat me aftësi të kufizuara, pakicat fetare dhe etnike, të evakuuarit afganë LGBTQIA+, gratë dhe burrat e prekur nga tërmeti etj. Programi, nëpërmjet një qasjeje gjithëpërfshirëse, synon të trajtojë nxitësit e identifikuar të përjashtimit, margjinalizimit, diskriminimit dhe dhunës.
Pranueshmëria
Kjo thirrje është e hapur për organizatat jofitimprurëse shqiptare me përvojë pune në organizimin e nismave ndërgjegjësuese, rrjetëzimit dhe angazhimit qytetar të komuniteteve të margjinalizuara për të drejtat e njeriut, si viktimat e dhunës me bazë gjinore dhe/ose në familje, të kthyerit nga migrimi, komunitetet romë dhe egjiptianë, anëtarët e komunitetit LGBTI, personat me aftësi të kufizuara, duke përfshirë të rinjtë dhe të moshuarit.
Me organizatë nënkuptohet një organizatë jofitimprurëse e regjistruar në Shqipëri për të ofruar shërbime ligjore dhe sociale për individët dhe grupet në nevojë, ku synimi parësor i këtyre organizatave është fuqizimi dhe rritja e vetë-avokimit të personave për të realizuar interesat e tyre të ligjshme si aksesi në shërbimet bazë.
Çdo OJQ inkurajohet të ofrojë një propozim duke zgjedhur një Lot duke marrë parasysh profilin e saj dhe përvojën e akumuluar.
Aplikantët duhet të paraqesin:
- vendimi i gjykatës që vërteton regjistrimin e organizatës
- një certifikatë e vlefshme regjistrimi në regjstrin tregtar (NIPT).
- një llogari bankare në lekë (lekë) në emër të organizatës
- CV dhe historiku i organizatës, duke përfshirë stafin që pritet të angazhohet me programin.
Donatorë
Zbatues / Partner
Metoda e Aplikimit
Pasi të shtypni butonin "Shko tek Thirrja", lexoni me kujdes detajet e thirrjes, gjeni faqen e duhur, dhe lexoni me vëmendje mënyrën e aplikimit, çfarë ju kërkohet, çfarë dokumentesh, dhe ndonjë element tjetër specifik. Çdo thirrje ndryshon nga donatori në donator, ndaj duhet të jeni të kujdesshëm dhe të vëmendshëm. Shumica e thirrjeve kanë dhe një seksion për “Pyetje dhe Përgjigje”, apo seksion kontakti.
Për çdo informacion shtesë mos hezitoni të na kontaktoni tek info@aida.gov.al. Një punonjës i kujdesit dhe mbështetjes së NMVM-së do ju kontaktojë brenda kohës. Ju faleminderit!