Talentet e Inovacionit të Gjeneratës së Ardhshme
Kodi: SF-23-0018
Tipi i Skemës Financiare
Grante
Kategoria
Start-Up
Industri
Teknologji Informacioni
Data e Fillimit
16 Gusht 2023 / 16 August 2023
Data e Përfundimit
04 Tetor 2023 / 04 October 2023
Statusi
Aktive
Max i financimit
€4.000.000
Përfitime
• Mbështetje për të paktën 600 praktika (talente në teknologjinë e thellë (deep tech) dhe novatorë aspirues) gjatë kohëzgjatjes së projektit. Numri përfundimtar i pjesëmarrësve për program mund të ndryshojë në bazë të kërkesës, por duke supozuar kërkesë të lartë nga të gjitha programet partnere, duhet të ketë të paktën 150 studiues nga veprimet EIC Pathfinder;
• Rritja e ndërgjegjësimit dhe njohurive të studiuesve për progresin e karrierës në kompanitë fillestare ose për krijimin e kompanive të tyre;
• Përmirësimi i aksesit në talentet kërkimore nga startup-et dhe SME-të e mbështetura nga EIC dhe EIT;
• Rritja e vizibilitetit të skemës, duke theksuar rolin, instrumentet e financimit dhe mundësitë e ofruara nga EIC dhe programe të tjera partnere të BE-së;
• Vlerësim me cilësi të lartë të ndikimit të skemës, duke përfshirë komentet nga praktikantet dhe kompanitë ofruese të praktikës, dhe rekomandimet për zhvillimin e mëtejshëm të skemës
Përshkrim
Objektivi i thirrjes është t'u mundësojë studiuesve dhe novatorëve aspirues që të kuptojnë më mirë dhe të fitojnë përvojë të drejtpërdrejtë të procesit kompleks të nxjerrjes së inovacionit përtej shpikjes dhe t'i ndihmojë ata të zhvillojnë mentalitetin e tyre sipërmarrës. Në të njëjtën kohë, kjo skemë synon t'u sigurojë start-up-ve inovativë qasje në ide dhe njohuritë më të fundit të kërkimit, duke përshpejtuar kështu zhvillimin e produkteve dhe shërbimeve të reja.
Skema është e ndarë në dy kategori:
1. Talentet në teknologjinë e thellë (deep tech): Kohëzgjatja e praktikës prej 3 deri në 6 muaj e hapur për kandidatët e doktoraturës dhe studiuesit postdoktoralë që aktualisht punojnë për ERC, EIC Pathfinder, MSCA, EIT dhe projektet e Infrastrukturës Kërkimore. Këto praktika do t'i kushtohen punës shumë të specializuar në një projekt specifik ose asistencë për një ekzekutiv të lartë (CEO, CTO, CSO) siç kërkohet nga kompania që do të ofrojë praktikën.
2. Novatorët aspirues: Kohëzgjatja e praktikës deri në 6 muaj e hapur për studentët përkatës në (dhe të diplomuar nga) programet Master dhe Doktoraturë të EIT Label, Alumni të EIT, përfituesit e EIT Jumpstarter. Këto praktika janë për përvojë pune më pak të specializuar në organizatën ofruese të praktikës.
Objektivat
Objektivi i thirrjes është t'u mundësojë studiuesve dhe novatorëve aspirues që të kuptojnë më mirë dhe të fitojnë përvojë të drejtpërdrejtë të procesit kompleks të nxjerrjes së inovacionit përtej shpikjes dhe t'i ndihmojë ata të zhvillojnë mentalitetin e tyre sipërmarrës. Në të njëjtën kohë, kjo skemë synon t'u sigurojë start-up-ve inovativë qasje në ide dhe njohuritë më të fundit të kërkimit, duke përshpejtuar kështu zhvillimin e produkteve dhe shërbimeve të reja.
Pranueshmëria
Për t'u kualifikuar për financim, aplikantët duhet të jenë në një nga vendet e mëposhtme:
• Shtetet Anëtare të Bashkimit Evropian, duke përfshirë rajonet e tyre më të largëta;
• Vendet dhe territoret e huaja të lidhura me Shtetet Anëtare;
• vendet e lidhura me Horizon Europe (Shqipëria është përfshirë në këtë grup vendesh)
• një listë e disa shteteve me të ardhura të ulëta dhe të mesme (Lista e plotë në Call Document)
Zbatues / Partner
Metoda e Aplikimit
Pasi të shtypni butonin "Shko tek Thirrja", lexoni me kujdes detajet e thirrjes, gjeni faqen e duhur, dhe lexoni me vëmendje mënyrën e aplikimit, çfarë ju kërkohet, çfarë dokumentesh, dhe ndonjë element tjetër specifik. Çdo thirrje ndryshon nga donatori në donator, ndaj duhet të jeni të kujdesshëm dhe të vëmendshëm. Shumica e thirrjeve kanë dhe një seksion për “Pyetje dhe Përgjigje”, apo seksion kontakti.
Për çdo informacion shtesë mos hezitoni të na kontaktoni tek info@aida.gov.al. Një punonjës i kujdesit dhe mbështetjes së NMVM-së do ju kontaktojë brenda kohës. Ju faleminderit!